Día: 23 de xullo
Hora: 20:30H
Lugar: Biblioteca de Marín
Hora: 20:30H
Lugar: Biblioteca de Marín
Organiza: Colectivo Nacionalista de Marín-PCPG (Partido Comunista do Povo Galego)
Con motivo da
celebración do vindeiro día da Patria Galega, o 25 de Xullo, o Colectivo
Nacionalista e o Partido Comunista do Povo Galego, organizamos un debate en
Marín sobre a necesidade da soberanía nacional nas nacións sen estado que
integran o estado español.
O pasado 19 de abril
organizamos un debate con distintas forzas políticas galegas para coñecer as
propostas para sairmos da crise de cada unha delas. Un dos principais puntos de
acordo daquel debate era a necesidade de acadar a soberanía nacional para poder
decidir por nós mesmos o noso futuro sen inxerencias de Madrid ou Bruxelas.
Na actual situación de
crise e descomposición do modelo autonómico, saído da chamada “transición” e do
“café para todos”, tendente a disimular as realidades nacionais do
estado, estanse a dar procesos que camiñan cara a libre decisión dos pobos. Se
ben este debate sempre estivo na mesa de nacións como Euskal Herria ou os
Països Catalans, agora estamos asistindo, en distintos niveis, a unha crecente
demanda popular noutros pobos por exercer o dereito á autodeterminación no
que Galiza non pode ficar atrás.
Para debater e coñecer
como están os procesos de emancipación doutras nacións sen estado o Colectivo
Nacionalista de Marín xunto co Partido Comunista do Povo Galego organiza este
23 de xullo a partir das 20:30h na biblioteca de Marín un acto no que
participarán representantes de Euskal Herria, Països Cataláns e
Andalucía. Contaremos con Iñaki Gil de San Vicente e Andoni Baserrigorria,
en representación de Euskal Herria, Nacho Franquelo, por Andalucía, e un
representante dos Paisos Cataláns pendente de confirmar.
No hay comentarios:
Publicar un comentario