Presentación: “Galegocalantes e galegofalantes”
Día: 19 de maio
Hora: 20h
Lugar: Museo Manuel Torres
Organiza: Ateneo Santa Cecilia
Hora: 20h
Lugar: Museo Manuel Torres
Organiza: Ateneo Santa Cecilia
O
venres 19 de maio a programación cultural do Ateneo ofrece dúas actividades que
se celebrarán no Museo Manuel Torres: a presentación do libro “Galegocalantes e
galegofalantes”, coa presenza do autor, Carlos Callón, ás 20:00 horas; e o
recital do grupo Añoranza a partir das 21:00 horas, cun repertorio a base de
música galega tradicional e composicións propias.
Editado
por Xerais, “Galegocalantes e galegofalantes” é un libro-testemuño no que
Carlos Callón –que durante 12 anos foi presidente da Mesa pola Normalización
Lingüística- lle atribúe ao goberno do PP o retroceso que vén experimentando a
lingua galega dende o ano 2009. O autor tamén abunda nos argumentos a prol da
defensa do idioma e anima a que os “galegocalantes” dean o paso de converterse en
“galegofalantes”.
En
canto á actuación de Añoranza, as orixes do grupo remóntanse ao ano 2000 cando
un grupo de amigos pasou de amenizar as xuntanzas familiares a actuar unha
romaría. Outros músicos profesionais foron incorporándose á formación, que
dende entón vén participando en festivais e programas de televisión, ata o
lanzamento do seu primeiro disco, que contén pezas do folclore popular e
cancións de nova creación.
No
acceso a esta última actividade, que forma parte do ciclo Pontegal, os socios
do Ateneo achegan unha doazón dun euro; dous euros os non socios.
No hay comentarios:
Publicar un comentario