Actuación de Tono Alcalde
Día: 30 de xuño
Hora: 21h
Lugar: Museo Manuel Torres
Organiza: Ateneo Santa Cecilia
Hora: 21h
Lugar: Museo Manuel Torres
Organiza: Ateneo Santa Cecilia
A voz e a
música do compositor, guitarrista e intérprete Tono Alcalde serven esta semana
para retomar os ‘Venres do Ateneo’. Na actuación, no Museo Manuel Torres a
partir das 21:00 horas, repasará os seus temas máis emblemáticos, reunidos nos
cinco discos que autoproduciu: “No todo se lo lleva el aire”, “De otra manera”,
“En tu mirada”, “Próximo destino” e, o máis recente, “Mar de ti”.
O artista,
de raíces galegas e extremeñas, leva preto de 30 anos tocando a guitarra, un
instrumento que aprendeu de forma autodidacta que lle abriu as portas dunha
ampla traxectoria tamén como percusionista, cantante, compositor e músico de
sesión. Na última década vén completando a súa formación con estudos de armonía
contemporánea no Ateneo Jazz de Madrid.
Latinoamérica,
Estados Unidos, Europa e Rusia son algúns territorios onde ten actuado con
diferentes espectáculos e compañías artísticas como o Ballet Embrujo, o Ballet
de Miami e Orquestras como Tatuaje e Ángel Israel.
Paralelamente,
ten impartido clases de compás flamento en escolas de música e asociacións
culturais de ciudades como Vigo, Madrid, Oslo ou Moscú.
Por outra
parte, ten traballado, colaborado e compartido escenario con artistas como
Alejandro Sanz, Carliños Brown, Rafael Amargo, Pitingo, e grupos como Mártires
del Compás, Los Habichuela, ou Arturo e Salome Pavón, entre outros.
Entre os
recoñecementos que ten colleitado destacan o premio á mellor actuación musical
no XIII Festival Flamento “Viva España” de Rusia, organizado en Moscú por
Flamenquería. Precisamente, neste país é onde na actualidade está centrando a
súa carreira musical co afán de “compartir vivencias co público ruso”.
No acceso
ao recital, que se enmarca no ciclo Pontegal, os socios do Ateneo achegan unha
doazón dun euro; dous no caso dos non socios.
No hay comentarios:
Publicar un comentario