Acto: Entrega dos Premios de Lingua de Ouro e Premio de Trapo
Día: 5 de xullo
Hora: 21:30h
Lugar: Restaurante Xan Xián
Lugar: Restaurante Xan Xián
Organiza: Asociación Queremos Galego Marín
A
Asociación Queremos Galego Marín organiza este venres 5 de xullo a
4ª edición dos Premios Lingua que se entregarán durante o
transcurso dunha cea no restaurante Xan Xián.
Desde
a última edición dos Premios Lingua, en xullo do pasado ano, a
situación precaria da nosa lingua tense incrementado polas políticas
lingüicidas do goberno da Xunta e do estado.
No
ensino, que debería ser un dos piares fundamentais para o mantemento
do galego, a Xunta, ademais de non se cuestionar o mal chamado
"Decreto do plurilingüismo" e a pesar das sentenzas
parciais na súa contra , está a recortar o orzamento para a
promoción da nosa lingua por parte dos equipos de normalización dos
centros educativos. A isto vénselle sumar a aprobación por parte do
goberno do estado da coñecida como "Lei Wert", unha
vergoña de lei que pretende, asemade de abrir o camiño cara á
privatización do ensino, reducir a presenza das linguas minorizadas
como o galego nas aulas.
A
situación da nosa lingua noutros ámbitos tampouco é moito mellor.
Na xustiza, da que tanto se falou ao longo deste último ano, o uso
do galego está practicamente desaparecido, dependendo do
voluntarismo e a conciencia dos funcionarios e funcionarias desa
administración.
O
caso dos sinais de tráfico en galego en Pontevedra, o cambio dos
sinais das autoestradas ignorando o noso idioma, a falta de
sinalización en galego no porto de Marín, a pesar das reiteradas
peticións da nosa asociación, as dificultades para que o cinema en
galego sexa proxectado nas salas de cine, son o pan de cada día da
nosa lingua e reflicten á perfección a súa precaria situación.
É
neste contexto, ou precisamente por este contexto, polo que a
Asociación Queremos Galego Marín quere recoñecer o labor das
persoas ou entidades que contribúen a normalizar o noso idioma e dar
un pequeno tirón de orellas a aquelas persoas ou entidades que o
ignoran ou desprezan.
O
premio Lingua de Ouro 2013
da Asociación Queremos Galego Marín vai destinado a Manuel
Rodríguez Pastoriza “o Norteiro”,
membro fundador da coñecida comparsa de entroido, o Xarángallo Mángallo.
Falar
de Xarángallo Mángallo e polo tanto do “Norteiro” é falar do
entroido de Marín. Este, sen a súa contribución, non sería como é
na actualidade. Premiamos, pois, o “Norteiro” polo seu
inconmesurábel labor co Xarángallo Mángallo a prol da cultura da
nosa vila.
O
premio Lingua de Trapo 2013
que outorga a nosa asociación irá parar a mans da Concelleira de
Cultura do Concello de Marín, Beatriz
Rodríguez Gómez. Con esta
distinción a Asociación Queremos Galego Marín quere animar a
concelleira a que empregue o galego en todos os actos públicos onde
participe. Ademais de tomar conciencia sobre a necesidade de realizar
políticas para a normalización e difusión da cultura e lingua
galega no noso concello.
Aínda
que sabemos que a área de festexos e eventos non é da súa total
competencia tamén pensamos que algo terá que dicir da programación
das festas de Marín deste ano nas que o galego e a nosa cultura non
están presentes.
Esta
cea, ademais de ser un recoñecemento para a persoa premiada co
Lingua de Ouro, pretende servir como agradecemento a todas aquelas
persoas que colaboraron coa nosa asociación ao longo deste último
ano.
A
Asociación Queremos Galego Marín quere animar a todos os veciños e
veciñas de Marín a que participen deste acto que terá lugar o
vindeiro 5 de xullo no restaurante Xan Xián a partir das 21:30h. As
persoas que desexen participar na cea –cun prezo de 20 euros–,
deberán adquirir por anticipado os bonos a través do correo
queremosgalegomarin@gmail.com
ou no teléfono 658 044 507
até completar o aforo.
O
acto contará coa actuación musical de Xosé Constenla, coñecido
cantautor compostelán que conta con dous discos e que acaba de
gravar un terceiro en directo este pasado 28 de xuño no Salón
Teatro de Santiago.
No hay comentarios:
Publicar un comentario