Día: 7 decembro
Hora: a partir das 16horas
Lugar: Praza do Reloxo (Igrexa Vella)
Organiza: Asociación Queremos Galego Marín
A Asociación Queremos Galego Marín
celebrará un magosto popular este vindeiro sábado, 7 de decembro, a partir das 16h na praza do Reloxo de Marín,
ao carón da igrexa vella de Marín.
No marco da cultura popular, o
magosto, e en xeral as festas anuais, teñen un lugar fundamental pois
constituen algunhas das manifestación máis xenuínas da nosa cultura. Arredor do
magosto existen múltiples tradicións e crenzas populares que a globalización
uniformizadora está a facer que se perdan.
Moitos concellos e lugares da contorna
de Marín organizados por asociacións ou polos propios concellos xa celebraron
os seus magostos e a nosa vila non podía ser menos por iso desde a nosa
asociación non queríamos as e os marinenses perderan a oportunidade de gozar
dunha festa como o magosto e non degustar tan sabroso manxar.
Durante o magosto repartiranse máis de
150 kilos de castañas entre as persoas que se acheguen podendo tamén gozar coa
música tradicional dun cuarteto que amenizará a festa. Desde a asociación
queremos animar tamén a quen quixer a traer un instrumento e participar da
festa tocando algunha peza.
Por outra banda, lembramos que segue
aberto o prazo de inscrición ao obradoiro de teatro que comezará tamén este
mesmo sábado no salón de actos da casa da Comunidade de Montes de San Xulián a
partir das 11:30.
No hay comentarios:
Publicar un comentario