Proxección documental "Sicko"

Acto: Proxección documental "Sicko"
Día: 23 de xaneiro
Hora: 20 horas
Lugar: Biblioteca Municipal de Marín

Organiza: Movemento Veciñal a Prol dos Bens Comúns

O xoves 23 de xaneiro ás 20h na biblioteca de Marín o Movemento Veciñal a Prol dos Bens Comúns proxectará o documental “Sicko” do director estadounidense Michael Moore.

“Sicko”, estreado no ano 2007, describe o sistema sanitario dos Estados Unidos baseado no aseguramento privado da cobertura dos beneficios sanitarios, o que dificulta o acceso a un sistema de saúde de calidade e universal a millóns de cidadás e cidadáns estadounidenses.

A reacción do establishment político e mediático ante “Sicko” foi o de intentar desacredítalo por todos os medios, así a pesar do grande éxito de taquilla a grande maioría dos medios de información trataron de ridiculizar o documental e ocultar ou disfrazar unha realidade que fai que arredor de 18.000 persoas morran ao ano pola falta de atención médica, e que 46 millóns non teñan ningún tipo de cobertura sanitaria e outros 102 millóns teñan unha cobertura insuficiente.

A sanidade pública en Estados Unidos cubre o presidente, os membros do congreso, os membros das forzas armadas, así como arredor do 52% do gasto incorrido polas persoas anciáns. O goberno federal e estatal pagan as facturas médicas do 12% da poboación empobrecida. Non é de extrañar pois que unha das maiores preocupacións das e dos estadounidenses sexa o pago das facturas médicas e das polizas de seguro privado pois a imposibilidade de facerlle fronte é unha das maiores causa de bancarrota familiar.

Coa proxección deste documental o Movemento Veciñal a Prol dos Bens Comúns pretende concienciar a veciñanza de cara a onde queren conducir o noso sistema sanitario. Tal e como manifestaban Manuel Martín e María Luisa Lores durante a presentación do libro “A contrarreforma sanitaria” imos camino dunha sanidade privada onde as e os que teñan cartos poderan sandar e as e os que non veranse privados dunha sanidade pública e universal como acontece na actualidade en Estados Unidos.

movementobenscomuns.wordpress.com