Acto: Proxección "A pegada dos avós"
Día: 25 de abril
Día: 25 de abril
Hora: 20h
Lugar: Biblioteca de Marín
Organiza: APRMHM
Este venres, 25 de abril, a
Asociación pola Recuperación da Memoria Histórica de Marín proxectará o documental “A pegada dos avós”,
de Xosé Abad, ás 20:00 horas na
Biblioteca Municipal Vidal Pazos; un proxecto que ten como
coprotagonistas a un grupo de alumnas e alumnos do instituto Adormideras
de A Coruña, que buscan respostas entrevistando a persoas que viviron e
sufriron as terribles consecuencias do alzamento franquista, para intentar
comprender o drama da represión e da dictadura; falan, ademais, con expertos
neste tema como o escritor Manuel Rivas e o presidente da Comisión pola
Recuperación da Memoria Histórica (CRMH), Fernando Souto.
Este documental
ven de gañar o VIII Encuentro Hispanoamericano de Cine y Video Independiente
“Contra el Silencio Todas las Voces”, celebrado en México (no apartado de
“Movimientos sociales y organización ciudadana”); esta cinta, que acada este
galardón neste primeiro certame no que participa, e que tamén estivo nominada ós
Premios Mestre Mateo XIII (na categoría de mellor documental), xurde, segundo explica Abad, tras a rodaxe de “O segredo da
Frouxeira”, que tamén obtivo recoñecementos como o premio á mellor longametraxe
no II Festival Primavera do Cine de Vigo.
Mesa redonda e actuación
musical
Nesta ocasión, contaremos coa presenza do propio Xosé Abad na
posterior mesa redonda que terá lugar e na que tamén participarán mozos e mozas marinenses, para debater e
expor opinións, experiencias e posturas sobre este tema.
E para amenizar e por o broche final,
contaremos coa actuación musical de
Samu Acuña e Laura Romero.
40 anos da Revolución dos
Capitáns
A Asociación pola Recuperación da
Memoria Histórica de Marín terá tamén unha referencia especial durante este
acto, para conmemorar tan sinalada data para o país veciño, Portugal, cunha lembranza especial para a Rebelión
dos Capitáns, que este 25 de abril cumpre o seu 40 aniversario.
No hay comentarios:
Publicar un comentario