Actuación de Alejandro Galansky

Acto: Actuación de Alejandro Galansky
Día: 21 de outubro
Hora: 21h
Lugar: Ateneo Santa Cecilia
Organiza: Ateneo Santa Cecilia

O ‘Venres do Ateneo’ ten programada para esta semana unha velada musical a cargo do músico moañés Alejandro Galansky, ás 21:00 horas. O seu repertorio incluirá composicións de diferentes estilos, dende o máis clásico ata o jazz, pasando pola música folk, o pop ou os sons orixinarios do leste de Europa.

Titulado superior en Composición no Conservatorio Superior de Música de Vigo, actualmente cursa o Grao Superior na especialidade de saxofón, o instrumento que vai centrar a súa actuación no Ateneo Santa Cecilia de Marín. Tamén imparte clases de música, é luthier de vento-madeira (saxofón e clarinete) e, como compositor, fai arranxos musicais e obras orixinais para agrupacións musicais, ademais de bandas sonoras para traballos audiovisuais.

O recital de Alejandro Galansky enmárcase no ciclo Pontegal da Deputación de Pontevedra. No acceso, os socios do Ateneo achegan unha doazón de 1 euro; 2 euros no caso dos non socios.