10 feb. 2015

Presentación "O cuarto poder en rede"

Acto: Presentación "O cuarto poder en rede
Día:  12 de febreiro
Hora: 20horas
Lugar: Museo Manuel Torres
Organiza: Asociación Queremos Galego Marín
A Asociación Queremos Galego Marín organiza para este xoves, 12 de febreiro, a presentación do libro “O cuarto poder en rede” de Victor Sampedro.
“O cuarto poder en rede” é unha encendida defensa do xornalismo. Non o de agora, que se extingue, senón o do futuro, que xa se xera desde distintas organizacións, filtrando documentos e datos. A través de cinco capítulos preñados de datos incontestábeis o autor analiza distintas cuestións que teñen que ver co xornalismo e a rede.
Este libro xira arredor do proxecto Wikileaks e personaxes como Julian Assange, Chelsea E. Manning e Edward J. Snowden, denunciando a mentira oficial e cuestionando o modelo de traballo e negocio dos medios de comunicación tradicionais.
Victor Sampedro ademais de analizar neste libro internet como ferramenta de control e as dificultades que existen para procesar a información, tamén estuda o que supuxo a aparición de Wikileaks e as actividades de Assange, xunto con Manning e Snowden, ou a necesidade de crear un contrapoder en forma de xornalismo de código libre.
Victor Sampedro é Doutor en Ciencias da Información e Catedrático de Opinión Pública e Comunicación Política (URJC Madrid) e profesor investigador convidado de Comunicació i Política (UPF Barcelona) e socio fundador da Asociación de Comunicación Política.
O acto que terá lugar no Museo Manuel Torres de Marín será presentado polo escritor Rodrigo Cota e intervirán ademais do propio autor, Victor Sampedro, o editor do libro Uxio Novoneyra Rei.
Neste acto tamén intervirá X.M. Albán quen presentará e falará sobre a iniciativa do Observatorio dos Medios Galegos da cal é o seu presidente




No hay comentarios:

Publicar un comentario