Homenaxe a Lino Martínez Villafinez

Acto: Homenaxe a Lino Martínez Villafinez
Día: 24 e 30 de outubro

Hora: 20h

Lugar: Museo Manuel Torres

Organiza: Club de Opinión Portocelo

O Club de Opinión Portocelo rende homenaxe ao artista pictórico marinense Lino Martínez Villafinez no 45 aniversario do seu falecemento coa inauguración dunha exposición -reprodución gráfica- dalgunhas das súas mellores obras que terá lugar o próximo sábado día 24 ás 13.00h no Museo Manuel Torres e unha conferencia sobre a súa vida e obra asimesmo no museo ás 20.00h do venres 30 na que intervirán Angeles Tilve e Beatriz de San Idelfonso, conservadoras ambas do Museo de Pontevedra. Ambas actividades contan coa colaboración do Museo de Pontevedra e o Concello de Marín.

Villafinez naceu en Marín en 1892 e faleceu en Santiago en 1970. Era fillo de Bertolino Martínez, carabineiro destinado en Marín e de Dolores Villafinez. Desde moi neno se iniciou na pintura usando como lenzos as sabas que a súa nai tendía ao ‘clareo’. O ceo,   mar e os barcos son os temas que lle ofrecía o seu Marín natal e nos que se inspiraba nos seus comezos artísticos. Tiveron que ser persoas de fóra do seu lugar de nacemento quen valoraran a súa arte. Con 22 anos foi parar a Santiago de Compostela da man do doutor Blanco Rivero, que veraneaba na finca de Praceres, e alí se quedou para sempre onde faleceu.

A súa obra está repartida dentro e fóra de Galicia e pola súa arte está considerado un dos mellores artistas de galegos sobre todo polos ‘seus Pórticos da Gloria’ que lle fixeron merecedor dun tributo de agradecemento do concello compostelano que lle adicou unha rúa como homenaxe, mentres que aquí en Marín, ao entender do Club de Opinión  ortocelo, está un pouco esquecido. Por ese motivo desde o club quéreselle render un especial recoñecemento.