Acto: Conferencia “Das Irmandades da Fala a Nós”
Día: 22 de xaneiro
Hora: 20h
Lugar: Local do Ateneo Santa Cecilia
Organiza: Ateneo Santa Cecilia
Hora: 20h
Lugar: Local do Ateneo Santa Cecilia
Organiza: Ateneo Santa Cecilia
O presidente do Foro
Enrique Peinador, Xosé González Martínez, impartirá unha conferencia este
venres día 22 ás 20:00 horas no Ateneo Santa Cecilia de Marín, co lema “Das
Irmandades da Fala a Nós”. A charla, con entrada libre e presentada pola
escritora Elena Gallego, tratará sobre o centenario desta organización
impulsada en 1916 por Vicente Risco, Arturo Noguerol e Manuel Peña Rey, entre
outros destacados galeguistas.
Funcionario do
concello de Redondela, Xosé González Martínez participa noutras plataformas
culturais integradas no colectivo Galeguizar Galiza: Irmandade Xurídica Galega,
Irmandade de Agroalimentarios e Adegueiros, Irmandade da Sanidade Galega,
Asociación de Amigos do Couto Mixto, Asociación Álvaro das Casas e Fundación
Lois Peña Novo. O obxectivo destas entidades é fomentar a cultura e a lingua
galega.
Xosé González Martínez
tamén foi o coordinador do libro “En galego, agora e sempre”, editado en 2002
pola Asociación de Funcionarios para a Normalización Lingüística. Esta
publicación contén as mandas testamentarias de 240 representantes e
profesionais do ámbito social, cultural e político. Os asinantes das mandas
dispoñen que, ao remate da súa vida, tanto nos actos fúnebres que se realicen
como nos textos susceptibles de redactarse -liturxia, necrolóxicas, lápidas
funerarias- se empregue o galego.
O ponente tamén falará
desta iniciativa, achegando datos como que só unha de cada mil lápidas está
escrita na nosa lingua, unha cifra que no caso das esquelas publicadas nos
xornais chega ao 3%. Apelando á “responsabilidade das familias” para ser
“coherentes”, Xosé González Martínez vén apostando por “restituír a memoria
lingüística dos nosos devanceiros” fronte ás inercias culturais que priman o
castelán por diante do galego.
No hay comentarios:
Publicar un comentario