Acto: Homenaxe a
Eduardo Victor Castro López
Día: 11 de marzo
Hora: 19h
Lugar: Museo Manuel Torres
Organiza: Ateneo Santa Cecilia e Club de Opinión Portocelo
Día: 11 de marzo
Hora: 19h
Lugar: Museo Manuel Torres
Organiza: Ateneo Santa Cecilia e Club de Opinión Portocelo
O profesor e escritor
Eduardo Víctor Castro López será o protagonista dunha homenaxe cidadá o
vindeiro 11 de marzo, organizada polo Ateneo Santa Cecilia e o Club de Opinión
Portocelo, coa colaboración do Concello de Marín e de varias entidades sociais
e educativas. Os actos comezarán ás 19:00 horas no Museo Manuel Torres, onde se
vai inaugurar unha exposición fotográfica con imaxes da traxectoria persoal e
profesional do homenaxeado. Ás 20:00 horas, na Biblioteca Pública Municipal,
terá lugar unha velada poética aberta ao público, que rematará cun recital do
Coro de Cámara Thalassa.
Vilagarcián de
nacemento e afincado en Marín dende hai máis de 40 anos, Eduardo Víctor Castro
é -aos seus 76 anos- unha figura destacada no panorama local marinense: foi
profesor do CEP Sequelo e do IES Illa de Tambo; autor dunha ampla obra poética
reunida en varias publicacións, entre as que destaca “Retellando” (2013);
promotor cultural e membro de destacados colectivos como o Ateneo Santa
Cecilia, o Coro Lembranzas, a Asociación Érguete ou o Liceo Casino; afeccionado
á música, ao deporte, á micoloxía ou á pesca; ademais de formar parte do xurado
de varios certames literarios, como o Premio Manuel María. Un percorrido vital
que xustifica a celebración deste acto de recoñecemento e agradecemento ao seu
compromiso coa vila e ao seu legado creativo.
A velada poética que
se celebrará na Biblioteca Pública comezará coa lectura dunha semblanza persoal
de Castro López, a cargo do profesor Julio Santos Pena. No recital participarán
Tesi Landín, da Asociación de Mulleres O Abeiro; Ángel García Carragal, do Club
de Opinión Portocelo; Enriqueta Otero, da Asociación pola Recuperación da
Memoria Histórica de Marín; e Lois González Dopazo, presidente do Ateneo Santa
Cecilia. Tamén se sumará a escritora e académica da Real Academia Galega, Fina
Casalderrey, xunto con responsables do CEP Sequelo e do IES Illa de Tambo.
Na homenaxe terán un
papel destacado os fillos e os netos de Eduardo Víctor Castro López, que
herdaron del as súas inquedanzas pola educación, a música e a literatura. A
alcaldesa de Marín, María Ramallo, intervirá no peche do acto, seguida dos
intérpretes do Coro de Cámara Thalassa, que lle porán voz e melodía a algunhas
composicións poéticas do arousán, que ten en Marín a súa “segunda patria”.
No hay comentarios:
Publicar un comentario