28 mar. 2016

Homenaxe a Ramón Otero pedrayo

Acto: Homenaxe a Ramón Otero pedrayo
Día: 7 de abril
Hora: 20h
Lugar: Museo Manuel Torres
Organiza: Club de Opinión Portocelo
O Club de Portocelo seguindo na súa liña de destacar a vida e a obra de personaxes relevantes das letras e a cultura galega e/ou estatal (como xa o fixera con Concepción Arenal, Rosalía de Castro, Filgueira Valverde, Juana de Vega, Antonio Machado, etc.) organiza un evento conmemorativo do 40º aniversario da morte do insigne intelectual galego, escritor, polígrafo e político, Don Ramón Otero Pedrayo (1888-1976), conceptuado como o Patriarca das Letras Galegas.
O evento consistirá nunha conferencia debate, seguida dun recital de poesía, baixo o título de 'Ramon Otero Pedrayo en Marin' coa que se pretende expoñer a relación que o significado escritor tiña con Marin, nos anos 50-60, dada a súa amizade co pintor marinense Manuel Torres que o convidaba a participar nos ciclos de conferencias e os Xogos Florais que daquela organizaba a Asociación de Cultura e Arte de Santa Cecilia, da que o artista marinense foi co-fundador.
Neste tributo que se celebrará o 7 de abril, xoves ás 20:00 horas, no Museo Municipal "Manuel Torres” intervirán a marinense Ana Acuña, escritora e investigadora. Premio Diéguez Losada para a Investigación e Ensaios. Doutorada en Filoloxía Galega e profesora da Universidade de Vigo; Patricia Arias Chachero, ourensá, profesora e escritora, autora de "Cartas á Nai '(Intrahistoria de Otero Pedrayo) e secretaria da' Fundación Otero Pedrayo’, entidade que colabora coa organización da homenaxe. A marinense Mayka Braña, actriz de teatro, cine e televisión, será quen recitará algúns dos poemas do escritor homenaxeado.

No hay comentarios:

Publicar un comentario