Concerto Susa Herrera

Acto: Concerto Susa Herrera
Día: 10 de xuño 
Hora: 20:30h
Lugar: Ateneo Santa Cecilia
Organiza: Ateneo Santa Cecilia

A profesora Susa Herrera será a invitada especial neste ‘Venres do Ateneo’ con motivo da presentación do seu último libro-disco “En Cabárceno se sigue cantando”. A actuación, dirixida a público infantil a partir de 6 anos, ademais de nais, pais e educadores, será a partir das 20:30 horas.

Acompañan a Susa Herrera outras dúas intérpretes, Tere e Merchy; as tres ofrecerán un divertido espectáculo de cancións, baile e música de diferentes culturas, dende Brasil a Sudáfrica, pasando por Galicia.

“En Cabárceno se sigue cantando” é o segundo volume dunha serie que comezou coa obra “En Cabárceno se oye cantar”. Na continuación do seu anterior traballo, os protagonistas son outros dez animais aos que a autora lles dá vida co ritmo das súas cancións, convertendo esta proposta nunha viaxe polos cinco continentes, a través da fauna.

Ademais das composicións de Susa Herrera, a publicación -editada por Montañas de Papel- conta con ilustracións de Violeta Monreal e produción musical de Carlos Calviño.

No acceso á actuación, na que colabora o Concello de Marín, cada adulto achega unha doazón de 2 euros; 1 euro no caso das nenas e nenos.