Acto: Presentación “Contos e lendas arraianos”
Día: 29 de xuño
Hora: 20:30h
Lugar: Ateneo Santa Cecilia
Organiza: Ateneo Santa Cecilia
Día: 29 de xuño
Hora: 20:30h
Lugar: Ateneo Santa Cecilia
Organiza: Ateneo Santa Cecilia
Este
mércores, 29 de xuño, a partir das 20:30 horas, o escritor e etnógrafo José Rodríguez Cruz,
colaborador do Ateneo Santa Cecilia, presentará o seu novo libro, titulado
“Contos e lendas arraianos”, na compañía do director da editorial Xerais,
Manuel Bragado.
Parte
esencial do patrimonio cultural tradicional e inmaterial, os contos e as lendas
que se transmitiron de boca en boca a longo dos séculos e a través das
sucesivas xeracións, son manifestacións artísticas arraigadas no imaxinario
colectivo que reflicten os medos, esperanzas e soños dun pobo. Coa desaparición
da sociedade campesiña e do modo de vida tradicional, vai desaparecendo tamén a
transmisión oral da palabra. Para evitar esa perda, José Rodríguez Cruz
recolleu contos, relatos e lendas nos concellos da Gudiña, da Mezquita e nos
arredores da raia galego-trasmontana, veciña das terras de Viana do Bolo. Esta
colección de narracións ordenadas tematicamente, son o resultado dun longo
traballo de campo que salva do esquecemento estes contos populares que forman
parte da identidade cultural galega.
José
Rodríguez Cruz (A Gudiña, 1956) centra os seus traballos de investigación
etnográfica e histórica nas áreas do sueste da provincia de Ourense e a ambos
lados da raia galegoportuguesa. É autor, entre outros títulos, de “Máscaras de
Entroido no Surleste Ourensán” (1998); “Así falan na Gudiña” (2000); “Trazos
sobre a vestimenta tradicional no Surleste de Ourense” (2004) ou “A festa dos
Maios en Marín” (2014), xunto con Clodio González Pérez. Tamén é coautor de
publicacións colectivas como “Un futuro para a lingua” (2002), “Palabra por
palabra, contos da Policía” (2003) e “As Caras do Entroido Ourensán” (2009).
Colabora en xornais e revistas culturais como “O Sil”, onde publica artigos
relacionados co espazo fronteirizo entre Galicia e Portugal.O seu labor de
investigación sobre a vestimenta tradicional galega foi recoñecido en varias
edicións do Premio Antón Fraguas e do Premio de Investigación Raigame en 2007.
No hay comentarios:
Publicar un comentario