Día: 23 de xullo
Hora: 21h
Lugar: Taberna de Lucho (Santo Tomé)
Organiza: Almuinha
O
vindeiro sábado día 23 de xullo a A.C. Almuinha organiza a VIII
Romaría do Día da Patria. Nesta ocasión celebrará
unha cea a partir das 21:00h. na taberna de Lucho (Santo Tomé de
Piñeiro), que terá un prezo de 17 euros e estará amenizada con
algunha intervención musical. Para asistir á cea é preciso
apuntarse por correo electrónico (a.c.almuinha@gmail.com)
ou por mensaxe privada no Facebook da A.C. Almuinha.
É
un encontro de confraternidade ao que a asociación convida a todas
as persoas que sintan a necesidade de que a nosa Terra sexa dona de
si mesma e conte con poder de decisión real para afrontar os
importantes retos da nosa sociedade nuns tempos de crise que
determinan un futuro incerto para a supervivencia do noso pobo.
Desde
a A.C. Almuinha, como asociación sociocultural comprometida coa
realidade na que vivimos, e polo tanto co noso País, considera que o
25 de xullo, Día Nacional de Galiza, convírtese nun momento de
especial relevancia para a reivindicación dos plenos dereitos da
nosa Terra, polo que desde o nacemento da nosa asociación alá polo
ano 2008 organiza na nosa vila unha actividade para celebrar esta
data, coa única excepción do ano pasado.
Almuinha
parte do convencemento de que o desenvolvemento integral dos pobos só
se acada cando se dispón dos mecanismos de decisión suficientes
para poder levar a cabo políticas favorábeis ás maiorías sociais,
así como que só nestas circunstancias se producen as condicións
para que as expresións e manifestacións de todo tipo de calquera
colectividade, incluídas por suposto as culturais, se manifesten na
súa plenitude.
Almuinha
anima, pois, a todas aquelas persoas que apostan porque o pobo galego
teña a capacidade de determinar libremente o seu futuro a que se
apunten á cea, e a gozar dunha boa noite entre compañeiros/as, con
independencia das diferentes interpretacións e propostas que cada
quen poida ter para acadala.
No hay comentarios:
Publicar un comentario