Presentación “As horas roubadas”

Acto: Presentación “As horas roubadas”
Día: 11 de novembro
Hora: 20h
Lugar: Ateneo Santa Cecilia
Organiza: Ateneo Santa Cecilia

A escritora e xornalista María Solar visitará este venres, 11 de novembro, o Ateneo Santa Cecilia para presentar a partir das 20h o seu libro “As horas roubadas”.

As horas roubadas destapa unha paisonal historia de amor que nunca rematou. Ambientada na confusa España de 1979, dous anos antes de aprobarse a lei do divorcio, dúas familias vense arrastradas por ese vello secreto e pola necesidade de cambiar as súas vidas.

Persoas que dominan ou que son dominadas, rutinas que matan o amor, infidelidades que ven a luz, adolescentes que descobren o sexo e a traizón... Unha novela de sentimentos que envolve ao lector nas súas páxinas e que lle leva a coñecer personaxes inmersos nunha época, non tan afastada, na que vivir sen ataduras era unha tarefa pendente.Unha novela coral que nos leva a través da vida de tres xeracións para demostrar que non hai idade para o amor, e que cando as cousas non cambian pola nosa vontade, algo insospeitado pode facelas cambiar. Para sempre.

María Solar,licenciada en bioloxía e xornalismo e diplomada en maxisterio, é unha xornalista da Televisión de Galicia e a Radio Galega. Na actualidade, despois de presentar o cultural Zigzag Diario, Ciencianosa, En pé de festa, e Arrampla con todo, é a presentadora do magazine informativo A Revista Fin de Semana.

María Solar estará acompañada durante a presentación do actor da serie da TVG, Serramoura, Miguel Ángel Blanco e da escritora e xornalista Elena Gallego Abad Paleo.

A entrada ao acto é libre.