Charla “O cancro non é de cor de rosa”
Día: 2 de marzo
Hora: 20h
Lugar: Museo Manuel Torres
Organiza: Intercambio do Saber Marín
Día: 2 de marzo
Hora: 20h
Lugar: Museo Manuel Torres
Organiza: Intercambio do Saber Marín
A asociación de mulleres
Intercambio do Saber, co gallo do Día Internacional da Muller, organiza este
xoves, 2 de marzo, ás 20h no Museo Manuel Torres, unha charla coloquio baixo o título
"O cancro non é de cor de rosa".
Na charla participarán
mulleres como Beatriz Figueroa, avogada e periodista, que leva anos demandando
que se cambie a lei para mellorar a protección laboral e a seguridade social
das persoas enfermas de cancro, que como ela tiveron
que recurrir aos tribunais para conseguir a incapacidade laboral.
Beatriz participará na
charla coloquio xunto a Isabel Carragal, unha marinense traballadora do frío
que "sofre a crueldade dun Estado que a obriga a traballar sufrindo cancro
de mama con metástase".
Tamén participara a ex
deputada no Congreso, Olaia Fernández Davila, quen no seu día levou a
proposición non de lei para mellorar
a protección laboral e económica das persoas que padecen cancro que recollía a proposta de Beatriz
Figueroa avalada con preto de 500.000 sinaturas, a pesar do cal tamén foi
rexeitada pola maioría do goberno do PP.
Estas tres mulleres
protagonizarán esta interesante charla coloquio, que irá precedida da curtametraxe "Ir a ningún
sitio" dirixida polo
pontevedrés Mario Iglesias inspirada no caso de Beatriz Figueroa.
No hay comentarios:
Publicar un comentario