Concerto
“Pequeña Gran Compañía”
Día: 10
de marzo
Hora: 21h
Lugar:
Ateneo Santa Cecilia
Organiza:
Ateneo Santa Cecilia
O dúo musical Pequeña Gran Compañía
formado pola cubana Amor Herrera e polo arxentino Sergio Ariel
Rodríguez actuará neste ‘Venres do Ateneo’, a partir das 21:00
horas. Presentará un repertorio de cancións accesible para todos os
públicos, nunha actuación que destacará polo seu carácter interactivo, cercano
e divertido, co humor como parte fundamental do espectáculo.
O grupo fundouse en 2010 para
representar unha fusión interdisciplinar de artes combinando música, danza,
poesía, teatro e montaxes audiovisuais. Nunha segunda etapa, a partir de 2013,
Pequeña Gran Compañía adoptou a súa actual composición, con Sergio Ariel
Rodríguez e Amor Herrera como directores e intérpretes.
Nacido en Bos Aires e afincado en España
dende hai máis de 15 anos, Sergio Ariel Rodríguez é cantante, compositor e
produtor musical. A súa experiencia artística abrangue concertos en directo,
gravacións e presentacións con diversos grupos, tanto en Arxentina e en España,
como en Brasil e Portugal.
Natural de La Habana e graduada en
música no Conservatorio Amadeo Roldán, na especialidade de trombón, Amor
Herrera formou parte da prestixiosa orquestra Anaconda de Cuba, coa que gravou
varios discos e documentais, ademais de participar en xiras por máis de 30
países para actuar en destacados festivais. Dende que en 2001 fixou a súa
residencia en España dedícase á música e a outras facetas como locutora de
radio e escritora.
No acceso á actuación, que se enmarca no
ciclo Pontegal, os socios e socias do Ateneo achegan unha doazón de 1 euro; 2
euros os non socios.
No hay comentarios:
Publicar un comentario