Proxección: “Por obra e gracia do idioma”
Día: 3 de marzo
Hora: 20h
Lugar: Museo Manuel Torres
Organiza: Asociación Queremos Galego
Marín
A Asociación Queremos Galego Marín
organiza, dentro da súa sección “Ser Lingua non é fácil”, a proxección do
documental da cangueira Andrea Bernárdez “Por obra e graza do idioma”, o venres 3 de marzo ás 20h no Museo Manuel Torres.
Este documental que serviu como traballo
de fin de grao de Andrea Bernárdez bucea na realidade lingüística do noso país
a través de diferentes entrevistas con numerosas personalidades da política,
cultura e administración, mais tamén con xente da pé.
Xosé Manuel Beiras, a portavoz do BNG
Ana Pontón, o secretario de política lingüística Valentín García Gómez, a
actriz Mónica Camaño ou Uxio Novoneyra Rey son algunhas das persoas que
interveñen neste documental para preguntarse e responder cuestións tales como
en que punto se atopa a nosa lingua, ou se existe existe o bilingüismo cordial
promulgado por Fraga e Feijoo ou ben seguimos cunha diglosia voraz como
predican Xosé Manuel Beiras ou Ana Pontón.
Andrea Bernárdez é unha moza de Cangas graduada
en Comunicación Audiovisual que con 6 anos marchou vivir fóra de Galiza,
perdendo así todo contacto coa lingua ata o seu regreso en terceiro de
primaria. Non tivo un regreso doado, lingüísticamente falando, pois o galego
converteuse nun primeiro momento nunha materia case que inimiga, até que todo
mundou coa súa chegada ao instituto, onde comezou a participar no Equipo de
Normalización Lingüística do seu centro.
A propia experiencia da gravación deste
documental, que lle servíu como traballo de fin de grao, nun mestrado en Madrid
é moi reveladora da situación na que se atopa a nosa lingua e a consideración
de lingua de terceira ou cuarta categoría que se lle dá no estado, malia ser
unha lingua cooficial. O responsable do traballo de fin de grao prohibíralle
facer o traballo en galego, mentres si era posíbel entregalo en inglés. A
autora tivo que loitar polos seus dereitos lingüísticos e grazas a un titor
conseguiu entregar o documental íntegramente en galego con subtítulos en
castelán acadando finalmente unha boa nota.
No hay comentarios:
Publicar un comentario