1 jul. 2017

Acto conmemorativo polo 90 aniversario do Juan Sebastian Elcano

Acto conmemorativo polo 90 aniversario do Juan Sebastian Elcano
Día: 13 de xullo
Hora: 19:30h
Lugar: Museo Manuel Torres
Organiza:
Xornadas-Reencontro coa Historia de Marín
O grupo de acción cultural “Xornadas-Reencontro coa Historia de Marín”, que se integra no Club de Opinión Portocelo, organiza un acto conmemorativo polo 90 aniversario da botadura do buque escola Juan Sebastián Elcano. O acto terá lugar o vindeiro 13 de xullo no Museo Manuel Torres a partir das 19:30h.
Dende aquel 5 de agosto de 1943 en que atracou por vez primeira no porto militar da ENM, que se inauguraba nese mesmo mes e ano, a esbelta figura do bergantín-goleta Juan Sebastián de Elcano, buque escola da Armada, no se borrou da retina daqueles marinenses que tiveron a ocasión de recibilo entre escenas de emoción e  asombro aínda hoxe inolvidables.
A partir de entón pasou a formar parte de Marín en perfecta simbiose histórica. De feito non se entende a historia da vila de Marín sen que leve unido a esta o nome do ‘Juan Sebastián de Elcano’, cuxa presenza é obrigada ano tras ano nas festas do Carme, pechando o seu cruceiro de instrución dos gardamarinas, para asistir ao acto de Entrega de Despachos. Alguén escribiu no seu día que “Elcano é como un gardamarina novo que ten namorada unha moza que se chama Marín”.
O acto dividirase en tres partes:
·         19.30h Inauguración da exposición de fotografías cedidas pola Armada do buque nalgunha das súas visitas a Marín. Inclúe un cadro ao óleo pintado exprofeso para a ocasión pola pintora marinense Patricia Otero, profesora de pintura de la Asociación Céltica Galicia.
·         20.00h Conferencia “Juan Sebastián de Elcano. O maior navegante da historia” a cargo do comandante do buque, Victoriano Gilabert Agote, capitán de navío. Natural de Orihuela ingresou na ENM en 1983 onde recibiu o despacho de alférez de navío. Especialista en armas submariñas e diplomado polo Estado Maior. É licenciado en Dereito pola Uned.
·         21.00h Entrega do diploma FACENDO HISTORIA.
El acto será presentado polo comandante-director da ENM, José María Núñez Torrente.


No hay comentarios:

Publicar un comentario