Actos conmemorativos do 87 aniversario da II República
Días: 13 e 14 de abril
Organiza: Asociación pola Recuperación da Memoria Histórica de Marín
Organiza: Asociación pola Recuperación da Memoria Histórica de Marín
A Asociación Pola
Recuperación da Memoria Histórica de Marín celebrará un ano máis a proclamación
da 2ª República a fin de semana do 13 e 14 de abril con dous actos.
O venres 13, o salón de actos do IES Illa de tambo,
acollerá a partir das 20h a posta en escena da obra de teatro “Ai, Carmela!
Elexía dunha guerra civil” da Asociación
Cultural Petanaporta. Esta obra esta baseada no texto orixinal de José Sanchís
e está representada por Mercedes Pardavila e Paco Pernas baixo a dirección de
Diego Rey.
Nesta obra, cuxos
personaxes son tratados con moita delicadeza e cariño, o autor fala de tres
Españas: a dos vencedores, obvia e sempre presente, a que representa Carmela,
que acaba morta ou no exilio, e a que representa Paulino, sobrevivinte que
acaba asumindo o sometemento e perda dos seus ideais, disposto mesmo ao
esquecemento. Nela faise un elevado acto de xustiza poética con todos os
mortos, non só os da Guerra Civil Española, senón cos de todas as guerras.
PETANAPORTA é un
grupo de recente creación no Concello de Marín. Os compoñentes, tras pasar por
diversos estadíos de formación deciden integrarse na ATM de Pontevedra dirixida
por Anxo Lourido. Durante os dous últimos anos asisten a diversos cursos na
Escola Municipal de Artes Escénicas de Cangas, impartidas polas actrices Silda
Alfaro e Sonia Rúa, e na Escola Superior de Arte Dramática (ESAD) de Galicia,
en Vigo.
O sábado 14, a partir das 13h, terá lugar o acto central da conmemoración do
87 aniversario da proclamación da 2ª República. Será xunto á Pedra da Liberdade
(ao carón do concello) e intervirán Concha González Fernández e Lorena Touriño
González da Plataforma Feminista Galega en Marín. Os “Amigos da República”
tocarán un par de pezas durante o acto que rematará coa tradicional ofrenda
floral.
No hay comentarios:
Publicar un comentario