Acto: Actuación cuarteto Picuiña
Día: 27 de novembro
Hora: 21h
Lugar: Local do Ateneo Santa Cecilia
Organiza: Ateneo Santa Cecilia
Hora: 21h
Lugar: Local do Ateneo Santa Cecilia
Organiza: Ateneo Santa Cecilia
O Cuarteto Tradicional
Picuiña, formado por músicos do Morrazo, será o protagonista do ‘Venres do
Ateneo’ que se celebrará mañá a partir das 21:00 horas. Será un encontro no
que, ademais de interpretar varias pezas, os membros desta agrupación
remontaranse aos comezos do século XX para explicarlle ao público como se foi
artellando o son dos primeiros cuartetos formados por dúas gaitas, tambor e
bombo. Tamén falarán da evolución da gaita, dende as orixes deste instrumento
ata os punteiros temperados actuais.
Aos gaiteiros Félix Boullosa e
Francisco Gil, e aos percusionistas Cesáreo Coya e Raúl Lago, úneos o seu
respecto incondicional pola música tradicional galega. Así, Picuiña vén
traballando dende hai anos a prol de difundir e manter a esencia dos cuartetos
de antano, investigando e dándolle forma ao seu amplo repertorio, que abrangue
partituras de toda Galicia.
Por unha parte, o grupo
dedícase á divulgación da música tradicional participando en festivais e
xornadas folclóricas dentro e fóra das fronteiras galegas. Ao longo da súa
traxectoria suman numerosas distincións en prestixiosos certames celebrados en
localidades como Pontevedra, Ponteareas, Sanxenxo, Sarria, Ames ou Vedra, entre
outras. Ademais, continúan exercitando a función natural dos cuartetos,
consistente en animar as festas, romarías populares, seráns e celebracións
parroquiais.
No acceso á actuación os
socios do Ateneo Santa Cecilia aboan un donativo de 3 euros; 4 euros no caso
dos non socios.
Previamente, ás 19h, e como
continuación dos actos conmemorativos do Día de Santa Cecilia que se celebrou o
pasado domingo, o multiusos da praza acollerá unha actuación da Banda de Música
Infantil do Ateneo. A entrada é libre ata completar a cabida do local.
No hay comentarios:
Publicar un comentario