Acto: Homenaxe aos que defenderon a liberdade
Día: 30 e 31de decembro
Hora: 20h-13h
Lugar: Marín
Hora: 20h-13h
Lugar: Marín
Organiza: Asociación pola Recuperación
da Memoria Histórica de Marín
Como todos os anos, nos últimos días do
ano, a Asociación pola Recuperación da Memoria Histórica de Marín organiza dous
actos en lembranzas das persoas asesinadas por defenderen a liberdade fronte á
represión franquista.
O primeiro dos actos, o venres 30,
consistirá na proxección do documental “Camilo, o último guerrilleiro de
Galicia”. A proxección será ás 20h na Biblioteca Municipal de Marín.
“Camilo,
o último guerrilleiro de Galicia” que recolle o testemuño vivo de Camilo
de Dios, de 84 anos e residente na actualidade en Sandiás, que se integrou
na guerrilla con 15 anos e sobreviviu á fame, á miseria e ás malleiras, ás
vexacións e humillacións á súa familia tras o estalido da Guerra Civil, e á
incerteza durante máis de seis décadas de non saber onde xacía o corpo do seu
irmán, abatido en maio de 1950.
A
través da historia de Camilo, o traballo recupera a memoria da guerrilla
antifranquista, dando voz a aquelas e aqueles que coma el, arriscaron todo pola
xustiza e a liberdade. Este documental, preestreado a finais de outubro en
Xinzo de Limia, é o traballo de Fin de Grao realizado por catro alumnos do
Grao en Comunicación Audiovisual da Universidade da Coruña -Alba Sánchez
(produtora), Juan Pirola (director de fotografía), Miguel García (guionista) e
Pedro Iglesias (deseño web e gráfico)- sendo cualificado como sobresaínte
polo equipo avaliador.
Un
ano e medio de traballo, 2 semanas de rodaxe e horas e horas de charla,
materializados agora nesta peza de 50 minutos que os responsables presentarán
presentarán este venres 30 en Marín.
O
Sábado 31, no Paseo Marítimo Antonio Blanco, ás 13h será o acto central da
homenaxe anual no que intervirá o pintor e poeta marinense Antón Sobral, farase
a tradicional ofrenda floral e o cantautor Samu Acuña e a agrupación Os Amigos
Gaiteiros tocarán unhas pezas musicais.
No hay comentarios:
Publicar un comentario