Acto: Concerto Mini e Mero en homenaxe a Manuel María
Día: 20 de abril
Hora: 20h
Lugar: Biblioteca de Marín
Organiza: Asociación Queremos Galego Marín
Día: 20 de abril
Hora: 20h
Lugar: Biblioteca de Marín
Organiza: Asociación Queremos Galego Marín
O
Día das Letras Galegas deste 2016 está adicado á figura do poeta de Outeiro de
Rei Manuel María e, con tal motivo, a Asociación Queremos Galego Marín quere
sumarse ás distintas homenaxes que terán lugar nestes meses por todo o país,
facéndolle o seu particular tributo o 20 de abril cun concerto de “Mini e
Mero”
Neste
concerto que terá lugar a partir das 20h na biblioteca de Marín, o dúo formado
por Xosé Luís Rivas Cruz (Mini) e Baldomero Iglesias Dobarrio (Mero),
percorrerán a obra de Manuel María poñéndolle música a moitas das súas poesías.
“O
aradiño”, “O guerrilleiro”, “O carro”, “O cuco” ou “Santa Sabel” son algunhas
das poesías de Manuel María que grupos e artistas como Fuxan os Ventos, A
Quenlla, Uxía, María Manuela, Chorimas, Suso Vaamonde e os propios Mini e Mero
musicaron ao longo da súas carreiras musicais e que de seguro tamén poderemos
escoitar durante o concerto.
Mini
e Mero, fundadores dos históricos Fuxan os Ventos e membros da Quenlla, son
dous músicos chairegos coñecidos polo seu compromiso coa memoria histórica, a
lingua, a cultura popular e o folclore de Galiza. Ademais da súa produción
discográfica, por separado ou conxuntamente con outros grupos, cómpre salientar
o seu labor de recompilación de contos, lendas, refráns, ditos ou poemas da
Terra Chá. Son tamén autores de diversos libros de ciencias sociais, naturais e
lingua galega para o ensino infantil e primario.
Polo
seu compromiso e labor de investigación foron recoñecidos con distintos premios
e galardóns como o Pedrón de Ouro no ano 2009 polo seu labor de investigación
musical, o X Premio Ramón Piñeiro López- Facer País da asociación cultural Val
de Láncara no 2011, e neste ano 2016 recibiron hai poucas datas recibiron tamén
o Premio Mestres e Mestras da Memoria por toda unha vida de adicación exemplar
á transmisión oral de saberes e valores da nosa cultura popular tradicional.
Manuel
María, o autor homenaxeado neste Día das Letras Galegas, foi un poeta, narrador
e dramaturgo recoñecido pola súa extensa obra e o seu profundo compromiso
social, político e cultural con Galiza.
Entre
os temas dos seus poemas destacan o amor, a arte, o propio
compromiso político, a denuncia de eivas, a etnografía,
a física,
a historia,
a inmaterialidade, a mitoloxía, o mundo animal, a palabra poética, o paso do
tempo, a relixión, a sociedade, a lingua, os
traballos agrarios, o urbanismo ou a xeografía.
A
partir de 1968, co nacemento de Nova Canción Galega, un movemento musical de
especial relevancia que fora presentado polo escritor o 1 de decembro no Cine
Capitol de Compostela, Manuel María converteuse nun dos poetas máis musicados
polos grupos e cantantes galegos.
Ademais
de poesía, Manuel María tamén publicou diversos ensaios - sobre Bouza Brey,
Celso Emilio Ferreiro, Gabriel Atesti ou Crecente Vega – libros de literatura
infantil, pezas de teatro e artigos en xornais e revistas galegas como El Ideal
Gallego, El Correo Gallego, El Progreso, Grial ou A Nosa Terra. A diversidade
de xéneros que practicou recoñeceuse ao gañar no ano 1076 o I Concurso de
guións cinematográficos de Nós, Cinematofrafía Galega.
Ao
longo da súa vida, foi recoñecido con numerosos galardóns entre os que podemos
salientar o premio “Celanova, casa dos poetas”, outorgado en 1990, ou o “Pedrón
de Ouro”, outorgado en 1994 na Casa Museo de Rosalía de Castro.
No hay comentarios:
Publicar un comentario