Xornadas ambientais do Ateneo
Día: 5-6-7 de xuño
Hora: 20:30h
Lugar: Ateneo Santa Cecilia
Lugar: Ateneo Santa Cecilia
Organiza: Ateneo Santa Cecilia
Con motivo da celebración do día mundial
do Medio, o día 5 de xuño, o Ateneo Santa Cecilia de Marín como Centro Azul outorgado
pola Adeac en 2017 e renovado para este ano 2018, durante os día 5, 6 e 7 de
xuño do 2018 organiza unhas "Xornadas Ambientais", con entrada libre
a todas as charlas que se celebrarán na propia sala do Ateneo na Rúa do Forno
42, baixo ás 20:30h.
- O 5 de xuño Antón Rey dará unha charla titulada "Os océanos e os mares. Residuos mariños".
- O día 6 de xuño intervirá Miguel Pardellas Santiago que impartirá unha conferencia "Buscando solucións aos incendios forestais. O proxecto batefogo e o papel da veciñanza na prevención".
- O día 7 de xuño o Ateneo contará coa presenza de Yolanda Maldonado Vidal, quen ofrecerá a charla titulada "Experiencia nunha ecogranxa escola. Armonía do home coa Natureza e o Cosmos".
Tamén están programadas, desde o luns día
4 ao xoves día 7, distintas proxeccións de
documentais, relacionados co medio para escolares, na sala do Ateneo
durante horario de mañá.
Desde o Ateneo Santa Cecilia queren
contribuír á difusión pedagóxica e á educación ambiental, co obxectivo de
mellorar a nosa cultura e así axudar a conservar moito mellor a nosa contorna
natural, sensibilizar a nenos e maiores sobre a necesidade de coidar
o medio mariño, os montes, a beleza paixasística, preservar os nosos
cultivos ecolóxicos e especies autóctonas, contribuíndo deste xeito a deixarlle
aos nosos descendentes un mundo moito máis habitable e limpo.
No hay comentarios:
Publicar un comentario